බස් රථයක් අනූ නවයෙන් බේරෙයි.. සංචාරකයින් රැගත් බස් රථයකට වෙච්ච දේ මෙන්න.. - Police Case - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Oct

බස් රථයක් අනූ නවයෙන් බේරෙයි.. සංචාරකයින් රැගත් බස් රථයකට වෙච්ච දේ මෙන්න..

1,918 Views

මේ තවත් එක් මාරක අනතු‍රක් ගැන ඇසෙන කට්‍ර්හාවක්.

මෙම අනතුර සිදු වී ඇත්තේ නුවරඑළිය වලපනේ ප්‍රධාන මාර්ගයේ වලපනේ මහ ඌව ප්‍රදේශයේදීයි.

නුවරඑළියේ සිට යාපනය දක්වා ධාවනය වූ පෞද්ගලික බස් රථයක් වලපනේ ප්‍රදේශයේදී මාර්ගයෙන් ඉවතට පැන ආරක්ෂිත පස් බැම්මක ගැටී නතර වීමෙන් සිදුවීමට ගිය විශාල අනතුරක් වැළකී ඇති බව වලපනේ පොලිසියේ නිලධාරියකු පැවසුවා.

අධික බෑවුමක් සහිත එම මාර්ගයේ මහ ඌව වංගුව ප්‍රදේශයේ මීට ප්‍රථම රිය අනතුරු ගණනාවක් සිදු වූ නිසා මාර්ග සංවර්ධන අධිකාරිය මගින් අධික බෑවුම් සහිත ස්ථානයේ පස්වලින් ආරක්ෂිත බැම්මක් ඉදි කර ඇති අතර එනිසා මාර්ගයෙන් ඉවතට පැන අනතුරට පත් බස් රථය පස් කන්දේ ගැටී නතර වී ඇති බව වලපනේ පොලිසිය කියා සිටියා.

යාපනයේ සිට නුවරඑළිය සංචාරයක් සඳහා පැමිණි 28 දෙනකු එම බස් රථයේ පැමිණ ආපසු යාපනය දක්වා බස් රථය ධාවනය කරවන අවස්ථාවේ බස් රථයේ තිරිංග පද්ධතියේ හදිසියේ ඇතිවූ කාර්මික දෝෂයක් හේතුවෙන් බස් රථය රියැදුරුගේ පාලනයෙන් මිදී ඉදිරියට ඇදී ගොස් ආරක්ෂිත පස් බැම්මේ වැදී නතර වී තිබෙනවා.

අනතුරින් කිසිවකුටත් තුවාල සිදු වී නොමැති බවත්, අනතුරට පත් බස් රථයේ ගමන් ගත් පිරිස යාපනයේ සිට වෙනත් බස් රථයක් ගෙන්වා ගෙන පිටත් වී ගොස් ඇත.